He KOREUTU ngā tukunga e rua o te rongoā āraimate.
E ahei ana te hunga 12 tau neke atu rānei, ā, e kore tētahi e mahue ki waho.
Mā te whiwhi rongoa āraimate ka haumaru tātou katoa.
Ina whiwhi koe i te rongoā āraimate, ka heke te mōrearea o te rere a te KOWHEORI-19 ki tō whānau, ō hoa me tō hapori.
Me riro rawa i a koe ngā tukunga rongoā e rua.
Kia haumaru rawa atu koe, me rua ngā tukunga rongoā.

Ngā whakautu ki āu pātai rongoā āraimate KOWHEORI-19

Ko te tukunga rongoā āraimate tētahi huarahi e tiakina ai tō whānau me tō whakapapa. He āhuatanga tēnei e haumaru ai tātou katoa, mai i ō tātou kaumātua ki ā tātou mokopuna. Mā te aukati i te rere o te huaketo tātou e tiaki ai.

Mēnā kua whiwhi rongoā āraimate te nuinga o tātou, ka heke iho te mōrearea o te mate urutā. Ki te tūpono anō te urutā ki te hapori, ka noho taratahi anō tātou, ā, ka tāmia te pūnaha hauora.

Ka whiwhi rongoā āraimate tātou, ka kaha ake te tiaki i ērā o te hapori kāore e āhei ana ki te tukunga rongoā āraimate, pērā ki ngā tamariki me ngā rangatahi kei raro iho i te 12 tau te pakeke.

He rite te mahi a tēnei ki ētahi atu rongoā āraimate. Ka ākona e ia te pūnaha awhikiri ki te tautohu me te whawhai i te huaketo.

E kore koe e māuiui i te rongoā āraimate KOWHEORI-19, nā te mea kāore he huaketo ora, he huaketo mate rānei ō roto ka pā kino ki te ira tangata.

Ka puta katoa te rongoā āraimate i tō tinana i roto i ngā rangi ruarua, ā, ka rite tō pūnaha awhikiri ki te whawhai i te KOWHEORI-19.

I whai wāhi te ao whānui ki te hanganga o te rongoā āraimate KOWHEORI-19. Heoi, kāore mātou i tīmata i te korekore noa iho. Kua tīmata kē te rangahau i tētahi atu huaketo (e kīia ana ko SARS).

I whai wāhi mai ētahi atu āhuatanga:

  • He nui te pūtea i whakangaohia ki te rangahau
    me te hanganga.
  • I puta mai ngā hangarau hou.
  • I mahi tahi ngā kairangahau, ngā kaipūtaiao me ngā
    kaiwhakangao.

Ko te hua, i tere puta ngā rongoā āraimate i muri mai i ngā tirotiro haumaru.

  • Ka pātaihia koe kia tukua ngā kōrero mōu ake me tō whakaaetanga.
  • Mā te kaiwero kua whakangungua te rongoā āraimate e wero ki tōu kikopuku.
  • Me mātua noho koe mō te 20 meneti ā muri atu i te tukunga rongoā āraimate.
  • Ko te tikanga, ka puta ētahi pānga iti, ā, he tohu ēnei e ako haere ana tō tinana ki te whawhai i te huaketo. Haere ki Karawhiua.nz/FAQs
  • Ka whakaritea he weronga tuarua mōu. Tuhia ki tō rae kia mātua mōhio koe āhea, ki hea anō hoki.
  • He KOREUTU ngā tukunga rongoā āraimate e rua.
  • Mā te whiwhi i te katoa o te rongoā āraimate (ngā tukunga e rua) ka tiakina koutou ko tō whānau i te KOWHEORI-19.

I tēnei wā, kāore e āhei ana ngā tamariki, te rangatahi rānei kei raro iho i te 12 tau te pakeke te whiwhi i te rongoā Pfizer. I aro kē ngā whakamātautau tuatahi ki ngā rōpū mōrearea ake, kaua ko te rangatahi. E whakahaeretia ana ētahi atu whakamātautau, ā, kia puta ngā raraunga, ka whakahoutia ngā tohu ārahi.

E kōwhiri ana i te tukunga rongoā āraimate

He maha ngā huarahi ārai atu i te KOWHEORI-19. Ko te tukunga rongoā āraimate tētahi. Mā te rongoā āraimate te hunga mōrearea rawa e tiaki, pērā ki ō tātou kuia, koroua hoki.

Mō te roanga ake

Man and woman smiling at a vaccination centre