Kia mārama ki te tiaki i te whānau

Ki te whiwhi rongoā āraimate tātou, ka tiakina anō hoki ō tātou whānau. Ina whiwhi rongoā āraimate ngā whānau, ka heke te mōreareatanga o te horapa ki ētahi atu. Ki te tokomaha ake te hunga whiwhi rongoā āraimate, ka kaha ake tātou.

Video Link: https://karawhiua.nz/assets/Videos/02_online-1min_master.mp4.mp4

He pēhea te mahi a te rongoā āraimate?

He rite te mahi a tēnei ki ētahi atu rongoā āraimate. Ka ākona e ia te pūnaha awhikiri ki te tautohu me te whawhai i te huaketo.

E kore koe e māuiui i te rongoā āraimate KOWHEORI-19, nā te mea kāore he huaketo ora, he huaketo mate rānei ō roto ka pā kino ki te ira tangata.

Ka puta katoa te rongoā āraimate i tō tinana i roto i ngā rangi ruarua, ā, ka rite tō pūnaha awhikiri ki te whawhai i te KOWHEORI-19.

I pēhea te hanganga wawe o ngā rongoā āraimate KOWHEORI-19?

I whai wāhi te ao whānui ki te hanganga o te rongoā āraimate KOWHEORI-19. Heoi, kāore mātou i tīmata i te korekore noa iho. Kua tīmata kē te rangahau i tētahi atu huaketo (e kīia ana ko SARS).

I whai wāhi mai ētahi atu āhuatanga:

  • He nui te pūtea i whakangaohia ki te rangahau me te hanganga.
  • I puta mai ngā hangarau hou.
  • I mahi tahi ngā kairangahau, ngā kaipūtaiao me ngā kaiwhakangao.

Ko te hua, i tere puta ngā rongoā āraimate i muri mai i ngā tirotiro haumaru.

Manurewa Marae Vaccine Centre

Ka aha inā haere au ki te tiki i te rongoā āraimate?

  • Ka pātaihia koe kia tukua ngā kōrero mōu ake me tō whakaaetanga.
  • Mā te kaiwero kua whakangungua te rongoā āraimate e wero ki tōu kikopuku.
  • Me mātua noho koe mō te 15 meneti ā muri atu i te tukunga rongoā āraimate.
  • Ko te tikanga, ka puta ētahi pānga iti, ā, he tohu ēnei e ako haere ana tō tinana ki te whawhai i te huaketo. Haere ki Karawhiua.nz/FAQsKa whakaritea he weronga tuarua mōu. Tuhia kia kore ai koe e wareware āhea, ki hea. Ko te tikanga me whai e 3 wiki i muri i tō weronga tuatahi. Ka taea tēnei, ahakoa kāore i whakaritea he wā mōu i mua. He nui ngā wāhi e tuwhera ana ki te wero i te rongoā āraimate hei aha he whakaritenga. Kimihia he puna wero e pātata ana ki a koe i
  • He KOREUTU ngā tukunga rongoā āraimate e rua.
  • Mā te whiwhi i te katoa o te rongoā āraimate (ngā tukunga e rua) ka tiakina koutou ko tō whānau i te KOWHEORI-19.
People getting vaccinated

He pēhea te kaha o te rongoā Pfizer?

E ai ki ngā whakamātautau haumanu i te rongoā Pfizer,  95%  ngā tāngata kua whiwhi i ngā wero e rua, i kaha ki te ārai i te KOWHEORI-19 kia kore e taumaha te mate. E whitu pea ngā  rā i muri i te weronga tuarua, ka whiwhi koe i te ārai mate mō KOWHEORI-19.

Kāore tonu mātau i te mōhio ki te roa o tō noho haumaru, ka pēhea hoki tana aukati i tō whakawhiti i te huaketo. E ai ki ngā rangahau, ka werohia koe, ka taea e koe te noho ārai mate i te KOWHEORI-19 mō te waru marama neke atu rānei.

Āhea whiwhi ai au i te rongoā āraimate?

Mō te hunga 12 tau te pakeke neke atu rānei, ka āhei ki te tukunga rongoā āraimate ināianei. KĀORE HE UTU mo ngā tukunga rongoā āraimate e rua. Ka taea e koe te whakatau wā wero, me haere rānei ki te wāhi kuhu ki roto, taraiwa mā te waka rānei. Kimihia he puna tuku rongoā āraimate pātata ki a koe https://www.karawhiua.nz/where-to-get-vaccinated

 

He pātai atu āku, me whakapā ki a wai? Waea atu ki te KOWHEORI-19 nama 0800 28 29 26. Ka āhei koe ki te kōrero ki tētahi kaiāwhina Māori.