Ngā whakautu ki āu pātai rongoā āraimate KOWHEORI-19

Mā mātou e tuku ngā pārongo e rite ana ki a koe mō ngā tikanga hei tiaki pai i tō whānau, i tō hapū, i tō iwi i te KOWHEORI-19.

Anei ētahi whakautu ki ngā pātai auau mō te rongoā āraimate KOWHEORI-19.

Vaccinations for tamariki

Ka taea e ngā mātua me ngā kaitiaki te hari i ā rātou tamariki 5 tau koni atu rānei te pakeke, ki te whiwhi i te wero āraimate KOWHEORI-19 i tēnei wā tonu nei.

He rite tonu ngā kai whakauru o te rongoā āraimate Pfizer ka whakamahia mō te hunga pakeke ki tērā ka whakamahia mō ngā tamariki, engari he iti iho te pota. Me mātua whai e ngā tamariki kia rua ngā werohanga e pai katoa ai te whakamarumarutanga. Me waru wiki te roa i waenga i ngā werohanga. E ahei ana te whakapoto i tēnei wā kia 21 ngā rā mehemea he take tāu, hei tauira mehemea kua tīmata tō tamaiti ki te whiwhi i ngā rongoā whakapēhi i te pūnaha awhikiri.

Me haere mai ngā mātua, kaitiaki rānei ki te werohanga o ā rātou tamariki hei tuku mai i tō rātou whakaaetanga.

He rautaki whakahira ngā rongoā āraimate ki te whakamarumaru i ā tātou tamariki i ngā mate mau noa me ngā mate urutā. Ka āwhina hoki ēnei i te aukatinga o te horapa haere.

I Aotearoa nei, ka whiwhi ngā tamariki i ngā werohanga utukore hei whakamarumaru i te tamaiti i ngā momo mate e 12, tae atu ki te mare tekekō, te karawaka me te whakamemeke.

I te nuinga o te wā, he ngāwari iho te pānga o KOWHEORI-19 ki ngā tamariki, he āhua rite tonu ki ngā pānga o te rewharewha. Ahakoa tēnā, he tūpono nui tonu ka māuiui rawa te tamaiti mehemea kāore anō ia kia werohia. Ka pāngia ētahi e ētahi pānga roa, e mōhiotia ana ko te KOWHEORI roa.

Ko tā te werohanga i ngā tamariki 5-11 tau te pakeke, he whakamarumaru i ngā mema o te whānau e noho paraheahea ana, tae atu ki ngā tamariki nohinohi kāore e taea te whiwhi werohanga.

Kua whakamātauhia haumanutia te rongoā āraimate Pfizer ki ngā tamariki manomano e 5-11 ngā tau te pakeke.

Ko ngā pānga nui e whākina mai ana, he āhua māmā, he poto anō hoki – pērā i ērā atu momo rongoā āraimate.

He haumaru hoki te rongoā āraimate ki ngā tamariki e pāngia ana e ngā mate pāwera ā-kai. Kārekau he kai, he keretini, he tawau (reitiki) rānei o roto i te rongoā āraimate Pfizer.

Arā ētahi mahi māmā hei āwhina i te whakaritenga o āu tamariki mō tēnei hātepe. Tēnā, whāngaia rātou ki te kai, ki te inu anō hoki i mua i te werohanga. He āwhina nui hoki te mau kākahu e māmā ai te toro ki te pūkaka (ringaringa), ā, he pai noa iho te mau mai i tētahi taonga tākaro hei pīroiroi māna.

Pērā ki ngā rongoā katoa, ko te tūpono nui ia ka mamae te ringa, ka whero, ka rongo hoki i te mamae me te pupuhi i te wāhi i werohia ai. Ka hua mai pea i ngā rā 1-2 e whai ake ana ko ētahi atu pānga, arā, ko te;

  • ānini o te māhunga
  • kirikā
  • paipairuaki (ka rongo i te māuiui), te ruaki me te tikotiko
  • ngēngē
  • māuiui arowhānui, (he mamae)

He āhuatanga whānui noa iho ēnei, ā, he mea whakaatu atu kei te mahi te rongoā āraimate. He āwhina nui te whakatā me te inu wai.

Me uaua ka kite he pānga kino rawa ka hua mai i te rongoā āraimate Pfizer mō KOWHEORI-19, ā, ki te puta ēnei, ka hua tōtika mai whai muri i te werohanga. Ka āta mātaihia āu tamariki e ētahi kaimahi haumanu whai muri i te werohanga kia pai ai te urupare ina ara mai tēnei āhuatanga. Mehemea he āwangawanga ōu mō ngā pānga o te rongoā āraimate ahakoa te wā, e taea ai te waea mai i te 0800 358 5453 ki te kimi tautoko.

Ko te huarahi pai hei tāpui werohanga mō tētahi whānau, rōpū rānei kia waeahia atu te KOWHEORI-19 Healthline, 0800 28 29 26. Hei tāpui i tētahi werohanga takitahi, hono mai ki www.BookMyVaccine.

Mō te roanga atu o ngā kōrero e pā ana ki te werohanga o ngā tamariki i te kowheori, pāwhiri ki konei.

He aha te take me whai werohanga āraimate koe

Kei te whai rongoā āraimate te nuinga o ngā whānau i te mea koirā tonu te tikanga kaha hei ārai atu i te KOWHEORI-19. Ki te tokomaha atu tātou e whiwhi rongoā āraimate ana, ka uaua kē te rere o te mate nei. Ki te tūpono anō te urutā ki te hapori, ka noho taratahi anō tātou, ā, ka tāmia te pūnaha hauora.

Ka werohia ana tātou ki te rongoā āraimate, ka pai ake hoki tā tātou tiaki i ērā o tō tātou hapori kāore e āhei kia whakatōngia ki te rongoā āraimate, pēnei i ā tātou tamariki nohinohi.

E ai ki ngā whakamātautau i te rongoā Pfizer, e 95% tōna kaha ki te ārai i te KOWHEORI-19 e whitu rā i muri i te weronga tuarua.

Kāore anō kia mōhiotia e hia te roa o te noho haumaru, te aukati i te tuku te huaketo ki ētahi atu. E ai ki ngā rangahau o muri nei, ka noho haumaru koe mō te waru marama, neke atu rānei.

Getting two doses of the Pfizer vaccine means you are much less likely to catch COVID-19.
As with any vaccine, the Pfizer vaccine may not fully protect everyone who gets it. But if you do catch COVID-19, the vaccine will give you a high degree of protection from serious illness. This means you could have no COVID-19 symptoms, or will have much fewer, milder symptoms, and recover faster. Find more information here.

Mā te rua o ngā whiwhinga rongoā āraimate Pfizer he uaua kē kia pāngia koe e te KOWHEORI-19. Heoi anō, ahakoa te rongoā āraimate kāore pea te katoa e noho haumaru ana i te rongoā āraimate Pfizer. Engari ki te pāngia koe e te KOWHEORI-19, ka kaha hoki te tiaki mai a te rongoā āraimate kia kore ai koe e māuiui rawa. Nā, kāore pea e puta mai ngā tohu KOWHEORI-19, ka iti rānei ngā tohu, ā, ka tere ora anō koe. He kōrero anō kei.

He uaua te rere o te huaketo i waenganui i te hunga whiwhi rongoā āraimate. Kia haumaru te noho, me whai whakaaro tērā e rere ai te mate i waenganui tāngata. Nā reira he mea nui ko te whai tonu i ngā tikanga akuaku, ko te whakamātautau rānei mēnā ka hua mai he tohu KOWHEORI-19.

Te haumarutanga o te kano āraimate

I whai wāhi te ao whānui ki te hanganga o te rongoā āraimate KOWHEORI-19. Heoi, kāore mātou i tīmata i te korekore noa iho. Kua tīmata kē te rangahau i tētahi atu huaketo (e kīia ana ko SARS).

I whai wāhi mai ētahi atu āhuatanga:

  • He nui te pūtea i whakangaohia ki te rangahau me te hanganga.
  • I puta mai ngā hangarau hou.
  • I mahi tahi ngā kairangahau, ngā kaipūtaiao me ngā
    kaiwhakangao.
  • Ko te hua, i tere puta ngā rongoā āraimate i muri mai i ngā tirotiro haumaru.

I Aotearoa nei, ko Medsafe e noho haepapa ana mō te aromātai i ngā rongoā āraimate. He wāhanga a Medsafe nō te Manatū Hauora.

Kia mātua tau rawa i a Medsafe kua tutuki ngā paerewa ā-motu, ā-ao anō hoki mō te haumaru, te whakaoraora me te kounga, kātahi ka whakaae ki te whakamahinga o tētahi rongoā āraimate ki Aotearoa.

Kua tatū i a Medsafe he haumaru te rongoā āraimate Pfizer hei tuari ki te katoa.

He tino ruarua ngā tāngata me kaua e whai rongoā āraimate Pfizer, arā, ko te hunga e tino mate pāwera ana ki te rongoā āraimate. E kaha whakahau ana kia whai rongoā āraimate koe mēnā e mate ana koe i ngā mate pēnei i te mate pukupuku, i te mate huka, i te mate takihi, i te mate manawa rānei. Ko te take, ki te pāngia koe e te KOWHEORI-19, ka tino māuiui koe, ā, ka hou atu ki rō hōhipera. Tērā pea me kōrero koe ki tō tākuta. Tērā ētahi kōrero hei whakautu i ō pātai mō te rongoā āraimate me ngā māuiui.

I runga anō i te mahi a te rongoā āraimate, e whakapono ana ngā mātanga he haumaru te rongoā āraimate mō ngā Māmā e hapū ana pēnei i a tātou katoa. Ko te take, kāore he huaketo ora ō roto, nō reira e kore e taea te tuku te KOWHEORI-19 ki a koe, ki tāu pēpi rānei.

Mēnā kāore he mōreareatanga hauora ōna, e noho mōrearea rawa ana rānei te Māmā hapū ki te KOWHEORI-19, ka tau i a rāua ko tana rata kia tatari mō muri i te whānautanga ka whiwhi ai i te rongoā āraimate. Ki te pērā, he mea nui kia whiwhi ōna kiritata i te rongoā āraimate kia haumaru ai anō a ia.

E āhei ana ngā Māmā e whāngai waiū ana, te whiwhi rongoā āraimate KOWHEORI-19. Kāore he māharahara mō te hauora o te māmā, o tana pēpi rānei.

Mēnā e whakamahere ana koe mō te hapūtanga, ka āhei tonu koe te whiwhi i te rongoā āraimate KOWHEORI-19.

Mēnā he pātai āu mō te rongoa āraimate KOWHEORI-19, te hapūtanga me te whāngai waiū anō hoki, me kōrero ki tō tāpuhi, rata rānei.

Te pānga mai o te KOWHEORI-19

Kei te nui haere ō tātou akoranga mō ngā pānga roa o te KOWHEORI-19 e kīia ana ko 'KOWHEORI mauroa'. Ka hoki ora noa mai ko te nuinga o ngā tāngata kua pāngia e te mate nei. Engari, arā anō ētahi kua māuiui i ngā momo mate mō ngā wiki, marama e hia nei. He iti ētahi o aua māuiui, he nui rawa ētahi. He kōrero anō kei konei hei pānui.

 

Mēnā ka pāniga koe e te KOWHEORI-19 i a koe e hapū ana, tērā ka tino māuiui ake ai koe.

Mēnā kāore anō koe kia whiwhi rongoā āraimate tērā e hou atu ai koe ki te wāhanga whāomoomo o te hōhipera - mā te momo mate Tereta nei.

Ka kaha mōrearea anō mō ngā pēpi. Ka takirima kē atu te whānautanga mai o ngā tamariki kokoti tau me te kaha anō o te tiaki i a rātou i muri mai. He kōrero anō kei konei hei pānui.

Kāo, kua hou atu ki rō hōhipera ko ngā reanga katoa. Tirohia ngā pārongo o ia rā mō te tokomaha o te hunga kua pāngia e te mate nei, me rātou anō kua hou atu ki rō hōhipera.

Ka haere nā te wā, ka panoni haere te huaketo nāna i hua mai ai te KOWHEORI-19, ā, ka puta mai he momo huaketo hou. Ko te momo Tuawhā te mate horapa i te ao i tēnei wā. He ngāwari noa te rere, te hopuhopu o te Tuawhā, ā, tērā e kaha ake ai te māuiui o te tangata.

Te whiwhi i te werohanga āraimate

  • Ka pātaihia koe kia tukua ngā kōrero mōu ake me tō whakaaetanga.
  • Mā te kaiwero kua whakangungua te rongoā āraimate e wero ki tōu kikopuku.
  • Me mātua noho koe mō te 15 meneti ā muri atu i te tukunga rongoā āraimate.
  • Ko te tikanga, ka puta ētahi pānga iti, ā, he tohu ēnei e ako haere ana tō tinana ki te whawhai i te huaketo. Ka hipa ana te toru wiki i tō werohanga tuatahi, tata atu rānei i tērā, me whiwhi koe i tō wero tuarua o te rongoā āraimate.
  • Me tāpui he wā , he nui rānei ngā wāhi hei torotoro māu kia werohia anō me te kore tāpui.
  • Rapua he whare hauora e tata ana ki a koe ki konei.
  • He KOREUTU te rongoā āraimate.
  • Mā te whiwhi i te katoa o te rongoā āraimate ka tiakina koutou ko tō whānau i te KOWHEORI-19.

 He pānga ō ngā rongoā āraimate katoa. Ko te tikanga kāore e kaha rawa ēnei pānga, ā, ka mauru i muri i ētahi rā ruarua.

Ko ētahi pānga ka tae atu ki ēnei e whai ake nei:

  • he mamae i te wāhi wero
  • he māhunga ānini
  • he ngoikore, he iwikore
  • kei te mamae ngā uaua
  • kei te māuiui
  • kei te makariri
  • kei te kirikā
  • kei te mamae ngā whatīanga
  • ka paipairuaki.

Ko ēnei ngā tohu, e mahi ana te rongoā āraimate i tāna mahi.

Huri noa i te ao, kua whiwhi kē ngā miriona tāngata i ngā tukunga e rua o te rongoā āraimate Pfizer. He tokoiti noa iho te hunga i pā kinotia ai.

Mēnā he pātai, he māharahara rānei āu, me whakapā ki tō rata, ki tō kaiwhakarato hauora rānei.

Mō ētahi atu mōhiohio e pā ana ki ngā pānga, haere ki UniteAgainstCOVID-19.govt.nz.

Ka āhei ko te hunga pakeke ake i te 12 tau ki te whiwhi rongoā āraimate ināianei.

I Aotearoa nei, kei te tokomaha o te tangata anō te tikanga ki te whiwhi i te rongoā āraimate KOWHEORI-19. Engari me mātua whiwhi rongoā āraimate ā kō tata ake nei mō ētahi tūranga mahi, arā, ko ngā kaimahi tiaki rohe, ko ērā anō i ngā rāngai hauora, mātauranga hoki. Haere nā te wā, tērā anō ētahi kaitukumahi e whakatau ana me whiwhi rongoā āraimate ā rātou kaimahi. Tērā anō hoki ētahi wāhi, hui rānei e wātea ana ki te hunga whiwhi rongoā āraimate anake.

 

Mehemea kua 18 tau, pakeke ake rānei koe, e āhei te werohia ōu ki te rongoā āraimate e kīia nei ko AstraZeneca. Ko Pfizer tonu te tino o ngā kōwhiringa rongoā āraimate mā ngā wāhine e hapū ana. Pānuitia he kōrero atu anō mō AstraZeneca i konei.

He pātai anō?

Mēnā he pātai anō āu, kāore i whakautua i kōnei, tuhia mai ki raro iho nei me waea rānei ki 0800 28 29 26 ki te kōrero ki tētahi mō te rongoā āraimate. Ka āhei koe ki te tono kaiāwhina Māori hei āwhina mai.

Ngā mihi - we will update our FAQ section regularly.
Something went wrong, please try again