He KOREUTU te rongoā Pzifer.
Ko te rongoā āraimate Pfizer te rongoā matua mō te KOWHEORI-19 ki Aotearoa nei. Kei te rahi te rongoā mō te hunga 12 ngā tau neke atu kia whiwhi e rua nga weronga e haumaru ai i te KOWHEORI-19.
Ka mate te KOWHEORI-19 i te rongoā āraimate.
Mā te whiwhi i ngā tukunga e rua ka iti iho te māuiui kino ki a koe kāore hoki koe e haere ki te hōhipera mēnā ka pā mai te KOWHEORI-19. Ka iti tō kaha ki te whakawhiti KOWHEORI-19 ki ētahi atu tāngata.
Ahakoa tō hauora, ka pā tonutia koe e te KOWHEORI-19.
He mate tere horapa te KOWHEORI-19. He mauroa ngā pānga raruraru hauora ki ētahi mōrehu i muri mai i te KOWHEORI-19. Ko te nuinga o te wā, ka horapa te KOWHEORI-19 mai tētahi ki tētahi. Mēnā ka hēhē, ka kōrero, ka maremare, ka mātihitihe, ka waiata rānei

Ka kōwhiri koe i te rongoā āraimate, ka whakatūturu koe i te anamata

Ko tō hauora me te whaiora o tō whānau te mea matua kia pai ai ō rātau oranga. Mā tō kōwhiri kia werohia koe ka iti iho te mate taumaha ki runga i a koe ki te mate rānei o te  KOWHEORI-19 i te wā heke. Mehemea he nui te hunga ka whiwhi rongoā āraimate i Aotearoa, ka nui ake te wātea o te ao ki a koe me tō whānau.

Āhea āhei ai ahau ki te whiwhi rongoā āraimate?

Mō te hunga 12 tau te pakeke neke atu rānei, ka āhei ki te tukunga rongoā āraimate inaianei. KĀORE HE UTU mo ngā tukunga rongoā āraimate e rua. Ka taea e koe te whakatau wā wero me haere rānei ki te wāhi kuhu ki roto, taraiwa mā te waka rānei. Kimihia he puna tuku rongoā āraimate pātata ki a koe https://www.karawhiua.nz/where-to-get-vaccinated/

Ka noho matatapu ō mōhiohio whaiaro

Ka puritia ngā mōhiohio whaiaro e tukuna mai ana e koe ki te Rēhita Tukunga Rongoā mō te KOWHEORI.

Ki te Rēhita puritia ai ngā kōrero mō ngā tukunga rongoā katoa, me te tuku pūrongo mō horanga o te tukutanga rongoā, puta noa i te motu.

Ko ngā kaimahi o tēnei wāhanga ratonga anake ka āhei te titiro, te tāpiri, te whakarerekē rānei i ngā kōrero e puritia ana ki te Rēhita. Kua whakangungua ngā kaimahi katoa e āhei ana kia noho matatapu tonu ai ēnei mōhiohio.

Mō ētahi atu mōhiohio haere ki health.govt.nz/covid-vaccine-privacy

Kāore te rongoā āraimate rewharewha e tiaki i a koe i te KOWHEORI-19

Ahakoa he huaketo ēnei mea e rua, nō ētahi rōpū huaketo kē atu.Kāore te rongoā āraimate rewharewha e ārai atu, e tiaki rānei i a koe i te KOWHEORI-19.

Waihoki, kāore te rongoā āraimate KOWHEORI-19 e tiaki i a koe i te rewharewha.

He pakari, he hauora anō hoki ahau. Me whiwhi au i te rongoā āraimate KOWHEORI-19?

Āe. He mate tere horapa te KOWHEORI-19. Ahakoa tō pakari, tō hauora rānei, ka pāngia tonutia koe e te KOWHEORI-19, ā, ka tere te rere ki ētahi atu.

I tāwāhi, e kitea ana te tokomaha o ngā mōrehu KOWHEORI e oke tonu ana i ngā tohumate pērā ki te ngoikore, te ngāngā me te poho mamae.

Ko ngā ripa tauārai te waonga tuatahi i te KOWHEORI-19

Mā te whakakaha i ō tātou ripa tauārai, ka kaha ake a Aotearoa. Ko ngā kaimahi tauārai me ngā kaimahi Nohoanga Taratahi, tae atu ki ō rātou ake whānau, te hunga tuatahi i whiwhi ai i te rongoā āraimate.

Mā te tiaki i te hunga mōrearea rawa ki ō rātou wāhi mahi, ka heke iho te mōrearea e rere anō ai te urutā, e noho taratahi anō ai tātou.

Rapua he aha ngā mahi a ngā  iwi, ngā rōpu Māori, me ngā marae he aha ngā mahi ārai i te KOWHEORI-19 puta i te motu ki hea rānei kimi āwhina https://www.tpk.govt.nz/en)

 

Whārangi Meka mō te rongoā āraimate

Tikiake i te Whārangi Meka