He nui ngā huarahi e āhei ai ngā Tāngata Whaikaha, Tāngata Whaiora, whānau whaikaha, me ngā whānau whai wheako noho i te taha o te hunga whaikaha, ngā āhuatanga hauora mate, wharanga mau tonu rānei ki te whai tautoko ki te whiwhi i ō werohanga ārai mate KŌWHEORI-19.
Toro atu ki te hunga e mōhio ana koe, e whakapono ana koe mō te tautoko, e taea ai rānei e koe te whakapā atu ki Awhi / te Healthline Disability Team, ki te New Zealand Relay Service rānei.
Awhi / The Healthline Disability Team
E wātea ana a Awhi ki te āwhina i a koe, i tō whānau, i tētahi rānei e atawhaitia ana e koe, me te whakautu i ngā pātai katoa āu e pā ana ki:
- Ngā whakaritenga tareka atu me te whai āwhina nekeneke
- ngā momo pokapū werohanga ārai mate
- te whiwhi haumaru i tō werohanga ārai mate
- ngā werohanga ārai mate i te kāinga
- ngā pānga pea o te rongoā ārai mate ki a koe, ki ō rongoā ake rānei.
E wātea mai ana ēnei i te Rāhina ki te Rāmere, atu i te 8 karaka i te ata ki te 8 karaka i te pō.
Waeatia: 0800 28 29 26 ka pana i te 2
Pātuhi utukore: 8988
Te Ratonga Kawekawe o Aotearoa (NZ Relay Service)
Ka āhei te Ratonga Kawekawe o Aotearoa ki te āwhina i a koe ki te whakapā atu ki a Healthline mehemea he turi koe, te korenga e rongo tika, te korenga e kōrero tika, te hunga turi-kāpō hoki mā tā rātou paetukutuku, taupānga rānei.
te NZ Relay App
E tuwhera ana te pae āwhina Ratonga Kawekawe o Aotearoa 24 hāora i ia rā, e 7 rā i te wiki, ā, ka āhei te toro atu ki runga i te nama waea
0800 4715715
Rapu pokapū werohanga ārai mate Kaupapa Māori tata ki a koe
Butch Bradley
Ka kōrero a Butch ki a tātou mō tana haerenga hauora me te take nui me whai rongoā ārai mate mōna me tana whānau.
Video Link: https://karawhiua.nz/assets/Videos/Butch-Bradley-1.mp4
Ko wai e āhei ana ki te whiwhi Tōku Puka Ārai Mate
E āhei ana koe ki te tono Tōku Puka Ārai Mate mehemea e 12 ō tau, neke atu rānei:
- Kua whai pota e 2 o te rongoā ārai mate COVID-19 Pfizer, AstraZeneca rānei i roto o Aotearoa
- Kua whiwhi werohanga ārai mate rānei ki tāwāhi ki tētahi rongoā ārai mate kua whakaaetia,
- He whakawāteatanga hauora rānei āu.
Kei roto i tō Tōku Puka Ārai Mate ko tō ingoa, ko tō rā whānau, me te tohu QR. E āhei ana koe ki te tiaki i tēnei ki tētahi pūrere matihiko, pērā ki tō waea, te tā rānei ki tētahi kape māro. Whātoro atu ki tētahi ki te āwhina i a koe ina pīrangi koe, pērā ki tō rūnanga ā-Iwi.
Ka pau tēnei e 6 marama mai i te rā i whakawhiwhia ki a koe, i te 1 o Hōngongoi 2022 rānei, kei te āhua o te mea ka puta tuatahi mai. Ko te tikanga o te rā paunga kia āhua ngāwari ake te wāhi ki te urupare ki te panonitanga haeretanga o te mate urutā.
Kīhai ngā tamariki tau 5–11 e mate te whai puka ārai mate. Mō ngā tamariki whiwhi i te rongoā ārai mate i a rātou e 11 ngā tau, engari kua huri ki te 12 tau i taua tau tonu, ka āhei tā rātou tono i tētahi puka ārai mate whai muri i tō rātou ekenga ki te 12 tau me te 3 marama.
Ka āhei koe ki te tiki puka ārai mate:
- Ki runga ipurangi
- Waea atu ki 0800 222 478 — 8 karaka i te ata ki te 5 karaka i te ahiahi, Rāhina ki te Rāmere.
- Ā-tinana ki tētahi pae wero ārai mate pērā ki tētahi whakaipurangi rongoā, ki tō rūnanga ā-iwi rānei.
Werohanga taunaki mō ngā tāu
Whāia tō werohanga taunaki mehemea kua hipa te 3 mārama mai i tō whiwhinga i te wāhanga tuatahi (mō te nuinga, ko ngā pota e rua)
Mehemea ka hiahia āwhina koe mō te haere, ngā whakaritenga āheitanga me te āwhina nekeneke, kaua e wareware e āhei ana te Rōpū Healthline ki te tautoko i a koe.
Ngā tauira anō me ētahi atu pārongo whaikaha:
Te Rongoā Ārai Mate KOWHEORI-19 mō ngā tamariki 5 ki te 11 ngā tau
Ko te momo rongoā ārai mate e whakamahia ana mō ngā tamariki he rongoā ārai mate Pfizer mō ngā tamariki, iti ake te pota, iti ake hoki te nui.
Me whai pota e rua o te rongoā ārai mate ngā tamariki kia kīia ai kua matua whakamarumarutia. E tūtohutia ana kia 8 wiki te roa i waenga i ēnei.
Ka taea te wā te whakarāpopoto ki te 21 rā mehemea e pīrangitia ana, hei tauira atu, mehemea kei te tīmata tō tamaiti i te maimoatanga ki ngā kaupēhi awhikiri.
Ehara i te mea me whai tiwhikete rongoā ārai mate ngā tamariki 5-11 ngā tau.
Mō ngā tamariki kua whiwhi i te rongoā ārai mate i te 11 tau engari ka huri ki te 12 tau i taua tau tonu, ka āhei rātou ki te tono mō te puka rongoā ārai mate i te ekenga ki te 12 tau me te 3 marama.
E wātea ana te Rōpū Whaikaha Healthline ki te tautoko i tō whānau e taea ai hoki te tāpui tētahi hui awhikiri.
E wātea ana te roanga o ngā pārongo ki te paetukutuku Unite Against COVID-19 website, me whakapā rānei ki tō Tākuta.
Ētahi Atu Hono Whaitake
Te mātārere Tamariki with disabilities (pdf)
Te mātārere Tāngata Whaikaha (pdf)
Te whakawāteatanga mai i ngā werohanga ārai mate whakahauanga
He mahere o ngā pokapū werohanga ārai mate huri noa i a Aotearoa. Aotearoa | karawhiua.nz
Ngā pātai auau mō te werohanga ārai mate
Atawhai i roto i te hapori – Te whakamārama i te pūnaha rama toru me ētahi atu pārongo whaitake e pā ana ki te whakamātautau, te takitaki haere, me te noho taratahi ā-kiri.
E wātea ana te roanga o ngā kōrero ki te paetukutuku Unite Against COVID-19.
He Toa Takitini – Ka pakari ake tātou i te tū kotahi!
He ahurei katoa ā tātou kōrero me te aha i te nuinga o te wā tē kitea ā tātou ārai aukati nei i te whai wāhitanga atu ki te hapori whānui. I ngā tau e rua kua hori, kua kitea rawatia te hira o te whakarongo, o te honohono me te awhi, tautoko hoki tēnā ki tēnā kia āhei ai tātou ki te urungi ngātahi i ngā wero.
Tirohia ngā kōrero i runga FACEBOOK: @whaikaha, i INSTAGRAM rānei: #tangatawhaikaha
Pete rāua ko Rina
Ka kōrero a Pete rāua ko Rina ki a mātou mō te pānga o te mate Lupus ki a Rina me te take i puta hei whakataunga nui mō te whānau ki te whai rongoā ārai mate.
Video Link: https://karawhiua.nz/assets/Videos/Rina-1-v2.mp4
Kua poho kererū mātou kia whai wāhi atu ki te urupare ā-ohu e whakapau kaha ana ki te whakapai ake i ngā hua mō te iwi Māori.
Ehara taku toa i te toa takatahi, engari he toa takitini.
My strength is not as an individual, but as a collective.